سؤال ؟؟

 

ليه ؟؟      

كلمه بسيطه ... وسؤال صعب ؟؟ 

  ليه ؟؟  

ليه دايما الحزن فى حياتنا كتير اوى ؟؟

ليه الفرح معانا دايما يعاند ؟؟

ليه كل حاجه حلوه دايما تتغير ؟؟

ليه كل صاحب دايما يخون ؟؟ 

•  

  ليه احنا مش حد غيرنا ؟؟ ليه؟؟

احزان كتير اوى فى حياتنا ... دايما بنتجاهلها ... دايما بنخاف نفكر فيها ... دايما بنهرب منها ... لكنها دايما بتعرف توصلنا تانى

  ازاى نعرف ننساها ؟؟؟

نقضى وقت اكتر مع اللى بيحبونا ؟؟

نتعرف على اصدقاء اكتر؟؟

ولا ندارى رؤسنا فى الرمل ونعما نفسنا مش شيفينها؟؟ نحاول ننساها وندور دايما على اللى يفرحنا ... نقرب اكتر من الناس وهم اكيد هيساعدونا اننا ننساها ونتغلب عليها ؟؟؟؟؟؟

وايه العمل لما يكون الكل ( حتى الاصحاب ) دايما بيفكرونا بيها .. والاصعب انهم دايما بيكونوا من اسبابها ؟؟؟

ايه الحل لما يكون قدامنا طريق واحد ولازم نسلكه او نقف مكانا ما نتحرك ؟ ؟؟

طريق الحزن ؟؟

اننا نتعود عليه ؟؟

اذا كان كل طريق دايما نهايته بتكون بالحزن ؟؟؟ يبقى ايه الحل ؟؟ ازاى نهرب منه ؟؟ وحتى مع هروبنا بيعرف يلاقينا ؟؟؟

الاصدقاء ؟؟؟؟

عارف يعنى ايه يكون ليك اصحاب كتير ؟؟ بس مع كترهم ما بتلاقى معاهم الفرح ولا السعاده ؟؟ يعنى ايه تكون خايف ان الحزن يجى من اقرب الناس ليك ؟؟

لما يكون صاحبك ده اللى كنت دايما بتحبه وبتفضله على ناس كتير اوى ( حتى على نفسك ) فى لحظه يبيع كل شئ وما تلاقى منه غير الجرح

الحب ؟؟؟؟

يعنى ايه احب واتحب ؟؟ يعنى ايه تكون انسانه واحده فضلتها على الكل وفى قلبك حفرت اسمها ..وفى ثانيه تبيع هى كل شئ .. ومعاها تلاقى اصعب انواع الحزن ؟؟؟

يعنى ايه فى عز الليل تكون لوحدك ؟؟

مفيش غير انت وروحك وتسأل نفسك ؟

من الذى يعرف ما الذى تقوله للظلام ؟؟

فى الساعات المريره من الليل

عندما تضيق بك الحياه

حوائط جناحك تنطبق عليك

طبيعتك تتحول لشئ متوحش

مخيف جداا

بارد جداا

مثل صباح ربيعى شاحب مازال متعلقا ببروده الشتاء

عندما تنسى كل ما هو جميل

صدقنى فى لحظه واحده هتعرف يعنى ايه تلاقى حياتك كلها زى بستان .. كل وروده سوداء ؟؟

هتعرف يعنى ايه كلمه

حزن؟؟؟

ساعتها مش هتلاقى على لسانك غير كلمه واحده .................... ليه ؟ وياريت تلاقى اجابه او تلاقى حتى حل

لما يجتمع عليك الحزن والخوف والوحده ؟؟ ساعتها بس هتعرف ان مافيش حل غير انك تبعد غير انك تفارق كل شئ

لما ما تلقيش اى شخص يواسيك او حتى يحاول ينسيك ... ساعتها هتعرف ان فى حاجه غلط

لما فى ثانيه واحده تلاقى نفسك مضطر ان تبعد وتنسى كل حاجه .. لما تحس انك السبب فى اللى بيحصلك .. حتى لو ده مش حقيقى

لما تلاقى نفسك بتعاتبك على كل الاحزان اللى انت فيها ..وتلاقيها بتتهمك بكل شئ مش كويس ...لما تلاقى نفسك قربت تبعد عنك

هتعرف يعنى ايه كلمه وحده ... كل محاوله منك وكل تفكير ان الذنب كان ذنبك انت علشان كونت صداقه او دخلت فى علاقه

حب وانت عارف ان نهايتها هتكون .......... حزن ....... هتعرف يعنى كلمه وحده ؟؟

ساعتها بس

هتلاقى اصحاب بجد

اصحاب صعب يخونوك

اصحاب صعب يجرحوك

اصحاب

صعب انه فى اى لحظه يبيعوك

او حتى ينسوك

ساعتها هتعرف مين بجد احق انه يكون قريب منك

هتعرف ان اتنين بس هم اصحابك للابد

اتنين معاهم هتنسى الخوف

وهتنسى الجرح

الحزن ... والوحده

هتعرف قد ايه هما بيحبوك

وقد ايه مش هيستغنوا عنك

ولا انت هتستغنى عنهم