موظـــــــف حـكــــــــــومة زى النهارده من خمس سنين كان اول يوم ليه فى الحكومة لما قالولى مبروك صرت رجلنا وبتاعنا من غير عزومة يعنى موظف عام ده اسمك ودرجتك التالتة واهى ملمومة مربوطك 48 جنيه ياخبر دي نكبة تانية ومحكومة زى النهارده من خمس سنين كان اول يوم ليه فى الحكومة قبل ماكنت ادخل قدمت ورقى وقالولى استنى دي مسابقة بنت حلال مش راح ناخد فيها إلا الكفاءة وغيرهم طبعا مش على البال وطلعت النتيجة وكنت من الكشوف متشال سألت قالولى الاولوية لكل وطنى مش شغال يكون تقديره عالى وقطعا مش بطال قلتلهم انتم أخذتم الناس باليسانس وانا معايا ماجيستير وتقديرى عالى العال قالولى اكيد فى غلط اعمل تظلم وانت وحظك على اى حال وعملت وإدخل وزير واستلمت الشغل قبل قرار التعين مايتقال مش مصدقنى هات الكشوف والقرارات وانت تشوف الاهوال وزى النهارده من خمس سنين كان اول يوم ليه فى الحكومة ياخال عنها وقلتلهم فين مكتبى رد على واحد ابن حلال مكتب مين انا هنا من سنين وماليش حتى درج وقاعد على شوال حشوة بالورق القديم لحد ما بقى ماشى الحال والحل ؟ اهى مدة عليه وعليك بتمر من غير سؤال المهم انك تمضى حضور وطبعا انصراف وقت الزوال ساعات مكتوبه بتعدى والمرتب شرعا نظير الاحتمال وزى النهارده من خمس سنين كان اول يوم ليه فى الحكومة ياخال وقال من هبلى بقول للى قبلى ممكن سوابق اعمال اوحتى تشرحولى ازاى اكون شغال ضحكوا بصوت عالى وقالى واحد منهم وهو مين قبلنا كان قال اعمل اى حاجة واعمل كل حاجة واللى مش عجبة علية بالقضاء فى الحال بس عد معايا كام سنة على ما المحكمة تحكملة وينول اللى فى البال ده القرار من عندنا يطلع فى لحظةبس علشان يتلغى يلزمة تجرى وراه موال وزى النهارده من خمس سنين كان اول يوم ليه فى الحكومة ياخال ولما مرة اجتهدت علشان اطلع قرار قالولى ينيلك انت بتقرا وتفهم من امتى حد هنا بيقرا او يطول بال عنها وصدر القرارو كنت للتحقيق متحال بتهمة تأخير الموضوع رسمى وعرفى لانى ماكنتش حمار وخدت جزا ؟؟ طبعا مش اهم حاجة السرعة وعدم الفهم ياخال ومن ساعتها وانا سرعتى أكبر من أسرع غزال رغم انى ابان تخين بس فى الكروتة السرعة فوق الخيال ومن يومها وملفى ابيض ومثالى وعال العال. وزى النهارده من خمس سنين كان اول يوم ليه فى الحكومة ياخال وزى النهارده من خمس سنين كان اول يوم ليه فى الحكومة ياخال