معانى ............... ؟

دلوقتى بس فهمت انا ليه عملت المدونه دى ؟ المدونه دى صديقى اللى مش معايا اللى دايما بينصح علشان كده انا قررت انى اكتب عن اللى بحس بيه مش اللى يهم حد تانى حتى لو مواضيعى مش هتهم حد تانى بس كفايه انى بكتب كلام كلام هو ده اللى احنا عايشين بيه وليه ومعاه الحزن ؟؟؟ كلمه كل ما احاول انى اهرب منها وم معناها الاقى الدنيا والحياه بتدفعنى فى اتجاهه تانى يعنى ايه حزن ؟؟ يعنى ليه الحزن ؟؟؟ كل اللى الشباب يعرفوه هو شوزيه كلام اغانى او حتى شعر او او او ..؟ ياترى الحزن مرتبط بالحياه ولا الحياه هى اللى مرتبطه بالحزن ... ؟ يعنى علشان ما نزعلش نعمل ايه ؟؟؟ غريب اوى احساس الحزن ......... وغريب اكتر اسبابه ؟ مع الحزن بتلاقى النسان شفاف اوى حساس اوى هادى ... ورقيق ومجرد ان النسيان يطفو على الواجهه ويختفى الحزن ومعالمه يعود الحال الى ما كان وهنا بتكون البدايه ويبدأ الحزن دورته مع انسان تانى انا مش بتكلم عن عدوى ولا فيروس انا بتكلم عن الحزن اللى اتحدى اى انسان انه يوصفه وصف يكون هو نفسه مقتنع بيه انا بتكلم عن الحزن اللى كلنا جربناه باختلاف الاسباب بس السؤال هنا ؟؟ ياترى مين اللى بيختار هو اللى بيختارنا ولا احنا اللى بنختاره ياترى احنا اللى بنسعى ليه ولا احنا مجرد ضحايا وقعنا فى فخ من افخاخه لو نزلت فى الشارع فى اى وقت ياريت تبص فى وجوه اللى ماشين فى الشارع واتحداك انك هتلاقى من الحزن انواع واصناف اللى حزين علشان حب كان ومات واللى حزين علشان قدره ما كن على هواه و و و و .........و انواع واشكال افتكر قصه بسيطه حصلت معايا انسان والله ما اعرفه ولا يعرفنى بس مجرد انسان كنت فى اليوم ده فى العريش حبيت انى اتمشى شويه وانتم عارفين جو الصحراء وتأثيره الغريب علينا كان قاعد لوحده فى الظلام وبينظر للسما بس على وجهه اقوى تعبير رأيته للحزن وللتفكير فيه بهدوء قربت منه وطلبت ولاعه علشان اولع سيجاره رغم انى معايا ولاعتى بس شئ غريب كان بيدفعنى انى اتكلم معاه الغريب انه بص ليا وهو تايه تماما وتائه هو التعبير الوحيد للشكل اللى رأيته سألته مالك خير ؟؟ رد عليا وقال ولا حاجه واختصارا دى كانت قصته مع الحزن قال وبصوت منخفض كانت غلطتتى بس صدقنى هى كانت بريئه اوى كل اللى عملته انا قربت منها وقولتلها مالك؟؟؟ وبصتلى وقالت ولاحاجه بس والله شوفت فى عنيها كلام كتي اوى وده اللى خلانى اتعرف عليه واتكلم معاه واحبها بس بعد كام يوم كان كل شئ ......ولا شئ بس انا اللى غلطان ما كنش المفروض انى اتخدع بملامحها البريئه ولا كلامه المؤثر ابدا .......... وبكى سيبته ومشيت وزى ما انتم لاحظتم هو فاكر انه هو اللى سعى للحزن بنفسه ومش واخد باله ان الحزن هو اللى جذبه ملامح بريئه وجه جميل وعيون بتتكلم دى اوضح خدع الحزن وسقط وصدقونى انا نفسى اعرف معناه ايه ليه دايما بيطاردنا ليه؟؟؟؟ لكنى عارف انى مهما قولت مش هقدر اوفى الحزن حقه لكن اكيد فى غيرى كتير بدأ الحزن يقول كلمته ما تقلق لو ما وصلك اكيد هيجيلك انت بس استنى بص قدام ..... ركز ... اكتر هو ده الحزن اكيد لاقيته