........... الوحده............ ...... الوحده كلمه لما بفكر فيها بتعب بجد ممكن الواحد بعيش فى وحده ....؟؟ وياترى هيكون ايه احساسه....؟؟ رغم كثره المشاعر فى الحياه الا ان اغلبها حزين ووحيد اكتر من كيان معنوى بيحاول انه يفوز بينا وعلى عرش المشاعر الحزينه .........الوحده ... احساس صعب ان الانسان يكون لوحده فى فرحه وفى جرحه .. لما بكون وحيد بتنعدم كل معانى الانسانيه وكل المشاعر التانيه .. الحياه بتكون رتيبه اوى ... مملله اكتر..موحشه اكتر ..؟ .. كيان هلامى الشكل يتغلغل فى الوجود البشرى .. تحكم لا نهائى فى كل ما هو ملكك .. لما تسيطر علينا الوحده .... بنكون كائن تانى خالص ..تكره كل قديم ومألوف ..( تخرج من روحى حزن .. تبعد عن نفسى نفسى ) يتصارع فى داخلى اثنان .. نفسى وروحى .. كل المعانى بتتغير .. بس .. بخاف من اللى جاى ..بخاف من قفص الوحده لما ينقفل عليا .. كتير حاولوا اننا نكون اصدقاء ... بس الخوف والوحده رفضوا .. كل الشكاوى اللى ممكن تكون جوايا بتفضل جواى .. ياترى انا خايف من اللى جاى ؟؟ .. ولا خايف على اللى جاى ؟؟ .. حياتى زى النهر الراكد .. اقدر اتوقع كل اللى جاى .. بقت الاحزان جوانا زى الافراح .. لما بنزل الشارع وانظر للناس . ما بشوفش غير الحزن اللى مالى ارواحهن ... والخوف اللى بيطاردهم ..والوحده اللى بيطلبوها .. فاكرين ان الوحده قاسيه .. وفاكرين انه مع قسوتها هتشفيهم .. ولاول مره احس اننا بقينا بنفكر .. فى ايه يستهال اننا نتأقلم معاه احنا ما شاء الله مش ناقصنا حاجه ؟؟مش كده ؟؟ مهما كانت مشاكلك كتي حاول تختلى بنفسك تبعد عن الناس ةانت هتلاقى الحل .. مش هى دى نصيحه كل شخص لما تيجى تشتكيله ..الوحده احساس مخيف .. بس لما تتعود عليه .. هتحس انه اريح كتير من حاجات تانيه .. ياتى فى فرق بين .. الوحده والانطواء .؟؟ .. زى ما قلت قبل كده . عندما اعلنت المشاعر الحزينه قيام دولتها ... واعلنت الحرب على كل ما هو جميل من المشاعرومن يومها احنا الضحيه .. ياترى هتنتصر الاحزان ولا لسه فى بصيص امل ؟؟؟ .. الاحزان بتستعمل كل اسلحتها علشان تفوز .. بتسيطر علينا .. بتتحك فى باقى المشاعر .. بتطارد كل واحد من اضعف جبهاته لا تعرف معنى الهزيمه .. عارفين ... كان فى سفاح فى جنوب فلوريدا اسمه ( كلارك ) قتل اكتر من 28 ضحيه .. ولما قبضوا عليه .. سألوه ايه السبب ؟؟ .. رد بكلمه واحده بس ... الوحده ..واتحبس حوالى شهرين .. اللى شافوه لما اتقبض عليه اقسموا ان النظره اللى فى عينيه قاسيه وشيطانيه لحد لايوصف .. بعد شهرين من حبسه وقبل اعدامه بأيام وفى مقابله مع بعض الصحفين سئل نفس السؤال ليه ؟؟؟ .. عارفين كان ايه رده ؟؟ الاشتياق للوحده يدفع الانسان للتخلص من جميه المشاعر الاخرى والبحث عنها فقط .. وفى عينيه كانت زى ما قال احد الصفين . ارق واحنى نظره شافها فى حياته .. وبكده الاحزان هتنتصثر غارفين ليه ... لانها ما بتفقدش اى من جنودها عارف انى بكون قاسى على الافراح كتير بس مس بأيدى