بعد غياب طال بسسب الامتحانات بحاول انى ارجع من تانى لعالم التدوين اللى بجد اشتقت ليه ................................................ فكرت كتير فى الموضوع اللى ممكن يعوض غيابى بس مل لقيت غير موضوع واحد كان شاغل فكرى فى الفتره اللى فاتت ..................................................... ياترى حد قابل يوم احس فيه ان كل حاجه واقفه ضده؟؟؟ وياترى كان ايه احساسه ؟؟ ......................... ...................... يوم كان عندى فيه امتحان ماده الجراحه عملى ... واللى جرب الجراحه العملى اكيد هيعذرنى ........................................... بدأ اليوم الجميل الساعه 9 صباحا ............................ طبعا صاحى حالى حال وكل اللى انا شايفه بيفكرنى بالامتحان وشكل العمليات وشكل الدكاتره ؟؟؟ ............................ كانت المشكله ان العمليات انا مش فاهمه ومحتاج انها تشرح تانى قدامى .............. مخنوق ... متكدر .. قلقان ................ وفجأه افتكرت ان فى دكتور عزيز عليا اوى عنده لابت توب فى العياده وممكن انقل العمليات من ............ عندى على اسوانه واخليه يشرحها ليا وهو م هيرفض بل هيرحب جداا ........... وفتحت جهاز الكمبيوتر بتاعى ؟؟؟؟؟؟؟؟؟؟؟؟ وبدأت المعاناه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اولا مش لاقى عندى برامج النسخ مش مهم انا عندى نت وممكن انزل البرنامج بسرعه هوب النت عدى فاصل .... ليه مش عارف ..... سألت جارى لو عنده برامج النسخ وقالى اه موجوده بس ياريت تجيب ناسخ الاسطوانات من جهازى ......... اوكى وحصل وخلعت الحهاز المطلوب ......... فين الاسطوانه الفاضيه اللى هنقل عليه البرامج ؟؟؟ ........... مفيش .......... مش مهم اقدر اشترى الاسطوانات بسرعه ........... الغريبه انى والله ما لقيت محل فاتح فى المنطقه كلها واضطريت انى اركب باص لمنطقه تانيه علشان اشترى اسطوانات ........ وحصل وتم الامر ونقلنا البرامج ...... وركبت الجهاز تانى وهووب .............. لسه بنقل العمليات على الاسطوانه ولقيت خير اللهم اجعله خير ........ الكهرباء قطعت ......... ولكم ان تتخيله انا كنت عامل ازاى ؟؟ ..... المهم فات وقت مش قليل ورجعت الكهرباء تانى ........... ونقلت العمليات وروحت عند الدكتور اللى بجد ترحيبه بيا خفف كتير من ضغط اليوم ......... ونقلنا العمليت عنده على الاب توب ......... وهوووب مافيش بربامج عايز يشغلها ......... يادى المصيبه ؟؟؟ .............. يعنى محتاج انى انقل البرامج من عندى تانى على اسطوانه ......... بس المشكله انى اشتريت اسطوانتين بس وخلاص استعملتهم ..........زز وتانى ركبت المواصلات بس المره دى اشتريت فلاشه خليته معايا ......... ونقلت البرامج وشغلنا العمليات ............ ولتانى مره الكهرباء عملت عملتها معانا وقطعت ........... مش مهم الاب توب اكيد مشحون وسألت الدكتور لو كان مشحون ولا ؟؟ لآ ؟؟ ....... واكيد الاجابه كانت لا مش مشحون ...... وبصراحه هنا بس بدأت احس ان فى حاجه مش مظبوطه .. وعلى طول روحت البيت وجهزت الشنطه وعلى الباص وسافرت عند اصحابى ليوم الامتحان ..... بس خلاص ..... يوم جميل مش كده ؟؟؟؟ ............... بس المشكله انى ضيعت حوالى 6 ساعات لحد ما فهمت ان فى حاجه مش مظبوطه فى اليوم ده ........... حكايه فيها كتير من الضحك على اليوم او عليا انا نفسى ............. وده يوم من ايام الامتحانات الجميله اللى كلنا بنحبها ؟؟ هه ؟؟بنحبها مش كده ؟؟ ............ بس بجد ياترى ممكن يكون يوم كامل بكل ما فيه من ساعات ودقايق ................. بقى فاضى ليا انا بس ؟؟؟ ............... وياترى ده حصل ليا انا بس ولا لكل الناس فى اليوم ده .............. المهم انه يوم وعدى وحبيت انى احكى عنه واسجله علشان صعب انى انساه ...............ز ياترى ممكن (حقيقى) ان حاجات كتيره اوى (الملموس منها وغير الملموس ) تتفق عليك ؟؟ ............ لما سألت فى الاول ............ ................... ياترى حد قابل يوم احس فيه ان كل حاجه واقفه ضده؟ ................... كنت بطرح موضوع انا فعلا حابب انى اتكلم عنه .................. موضوع حياتنا وياترى اللى بيجرى فيها من مشاكل كتييييره بسيطه بس فى الاخر بتجمع بعضها ................... علشان تعمل مشكله بجد بتكون رخمه اوى بيكون ببساطه شويه اخطاء احنا عملنها فاكرينها ................ بسيطه بس فى الاخر بتكون مصيبه؟؟؟ وفى النهايه بتأسف عن الغياب اللى طال واللى لسه هيطول شويه كمان علشان الامتحانات ............. واتمنى ان الجميع يكون بخير .............. وبشكر كل اللى اطمن عليا وسأل عنى وحتى اللى فكر انه يسال عنى ونسى .............. وتحياتى لكل الايام الحلو منها ............. والاحلى كمان